Paavo Harakka
Vasikan issendä
- Tänäpäi issemmö vasikan,
lihat korvoih suoluammo.
Koppuloi emmö iäreh lykkiä,
studen´iz ved mon´i tykkiä.
Veret viedrah piekselemmö,
suoliloiz muilua keittelemmö.
Iskijä tuloo, kirvehen tahkuo:
- Miitus on vasikka, pidäh kattsuo.
Täs lihua voi roija kiluo sada,
hyvin olet syöttän da juottan.
- Ka, suurusta annoin joga päivä,
taki mihtahto se vastua.
Iskijä loskua vasikkua ottsah,
leikkua kulkun da nostaa kottsah.
Suahah lihua, koppuloi, verda
da lapzil babkat kizuandah kerda.
Ziivatoil veikkon´i on moine oza,
a meil vai syödyö leviö roza.
Sanastoa suomeksi
issendä = teurastaminen
korvoih = saaviin
iäreh = pois
studeniz = alatoopista
viedrah = sankkoon
muilua = saippuata
miitus = millainen
roija = tulla, kertyä
kottsah = teurastushuone
babkat = jalan pikkuluut
ziivatoil = kotieläimillä
roza = naama